Shymkentte 12 jasar qyz eki baýyryn órtten qutqaryp qaldy
ShYMKENT. QazAqparat - Shymkent qalasy tótenshe jaǵdaı departamenti basshylyǵy 2010 jyly týǵan Savorovskaıa Anna ıÝrevnany arnaıy marapatqa usyndy, dep habarlaıdy QazAqparat tilshisi.
Oqıǵa 15 shilde kúni keshkisin bolǵan.
Qaınar bulaq saıajaıy, Zelenaıa kóshesi boıynda ornalasqan jeke turǵyn úıde órt shyqqany týraly habarlama «101» dıspetcherlik pýnktine saǵat 22.03 túsken.
Órt sóndirýshiler 10 mınýt ishinde belgilengen mekenjaıǵa jetken.
«Úıdegi 12 jasar qyz uıyqtap jatqan egiz inilerin tútin toly úıden qaýipsiz aımaqqa shyǵarǵan. Jasóspirimniń jasaǵan erlik is-áreketi Shymkent qalasy tótenshe jaǵdaı departamenti basshylyǵy nazarynan tys qalmaıdy», - delingen Shymkent qalasy TJD qoǵammen baılanys toby taratqan habarlamada.
Jalpy aýa salqyndatqyshtaǵy toktyń qysqa tuıyqtalýy saldarynan turǵyn úıdegi turmystyq zattar janǵan.
Mamandar jetkenshe jergilikti turǵyndar órtti sóndirip, úı ıelerine kómek kórsetken.
Foto: otyrar.kz
