Shymkentte 12 shaqyrymdyq velojol paıdalanýǵa beriledi
ASTANA. QazAqparat - Kez kelgen megaortalyqtyń transporttyq júıesiniń eń basty maqsaty qaýpsizdikti qamtamasyz etý. Osyǵan oraı qala ákimi Ǵabıdolla Ábdiraxymov Ál-Farabı alańy men Nursát yqsham aýdanynda ornalasqan jańa ákimshilik iskerlik ortalyǵy aralyǵynda 12 shaqyrymdyq velosıpedpen júrýge arnalǵan arnaıy velojol jasaýdy tapsyrdy.
Qurylys jumystarynyń alǵashqy kezeńinde velosıped qoldanýshylardyń júrýine kedergi keltiretin B.Momyshuly, Jeltoqsan, D.Qonaev dańǵyly jáne T.Nazarbekov, S.Báıterekov, Astana dańǵylyndaǵy velosıped qoldanýshylary úshin kedergilerlerdi joıý jumystary júrgizilýde.
Jobanyń ekinshi kezeńi aıasynda velojol Ordabasy alańy jáne Qazybek bı kóshesi, sonymen qatar Jeltoqsan kóshesi men D.Qonaev dańǵyly aralyǵynda jalǵasyn tabatyn bolady.
Jyldyń sońyna deıin atalǵan baǵyttar boıynsha arnaıy velojol belgileri, velosıpedtke arnaǵan oryndar salyný josparlanǵan.
Sonymen qatar bul jyly shahardaǵy Saıram, Sh.Ýálıxanov, T.Rysqulov, S.Turysov kóshelerindegi aıaqjoldardy velosıped jolyna aýstyrý josparlanǵan.
