Shymkentte 12 myńnan astam ustaz jańartylǵan bilim berý baǵdarlamasyn meńgergen

ShYMKENT. QazAqparat – Shymkentte 12 myńnan astam ustaz jańartylǵan bilim berý baǵdarlamasyn meńgergen. Atalǵan baǵdarlamaǵa kóshý boıynsha qaladaǵy mektepterdiń 4,9,10-synyp oqýshylary jańartylǵan bilim berý mazmuny boıynsha bilim alýda, dep habarlaıdy QazAqparat tilshisi.

Úshinshi megapolıste ustazdardy irikteýdiń aqparattyq júıesi «Thunter.kz» júıesi arqyly júrgiziledi. Sebebi, atalǵan júıe bilim berý mekemelerine pedagogtardy qabyldaý kezinde ashyqtyq, ádildik qaǵıdalaryn qamtamasyz etedi.

Atalǵan júıe boıynsha bilim berý mekemelerindegi bos oryndar thunter.shymkent.gov.kz resmı saıtyna jarııalanyp, qujat tapsyrǵan úmitkerler komıssııa otyrysynyń áńgimelesý kezeńinen ótkiziledi. Bul komıssııaǵa mekeme basshysy, bilim basqarmasy men ata-analar komıtetiniń, qoǵamdyq uıymnyń ókilderi men BAQ salaynyń qyzmetkeri elektrondy daýys beredi. Eń joǵary ball jınaǵan úmitker mekeme basshysyna usynylady. Búgingi kúnge deıin konkýrstyq júıe boıynsha 5 798 ótinish qabyldanyp, 2 801 konkýrstyq komıssııadan ótkizilgen. Al, 1 720 maman jumysqa qabyldanǵan.