Shymkentte 12 adamdy taqyrǵa otyrǵyzǵan alaıaq áıel ustaldy
ShYMKENT. QazAqparat - Shymkentte memlekettik baǵdarlamamen úı alyp beremin dep jurtty aldap kelgen alaıaq áıel ustaldy. Qazirdiń ózinde kúdiktiniń 12 oqıǵaǵa qatysy bar ekeni anyqtalyp otyr, dep habarlaıdy QazAqparat HAA tilshisi.
30 jastaǵy alaıaq kelinshektiń ustalýyna qala turǵyny sebepker bolǵan. Ol polıtsııaǵa kelip, kúdiktige aldanyp qalǵany týraly shaǵym túsiredi. Aıtýynsha oǵan bir kelinshek «memlekettik baǵdarlamamen úı alýǵa kómektesemin» dep 200 myń teńgesin alyp ketken. Alaıda keıin izin sýytqan. Jedel izdestirý sharalaryn júrgizý nátıjesinde 1987 jylǵy kelinshek qolǵa tústi. Tergeý barysynda onyń osyǵan uqsas 12 alaıaqtyq qylmysyna qatysy bar ekeni dáleldengen.
Qazir kúdiktiniń ústinen Qylmystyq kodekstiń 190 «Alaıaqtyq» babymen is qozǵalyp, tergeý amaldary júrgizilýde.
