Shymkentte 12 adamdy poıyz qaqty: Ákimdik qaýipsizdik erejelerin túsindirýge kiristi
ShYMKENT. QazAqparat - Shymkentte ótken bir jylda 12 adamdy poıyz qaǵyp, 10-y oqıǵa ornynda qaza tapqan. Al bıylǵy jyl basynan temirjol kóligi 3 adamdy qaǵyp ketken, dep habarlaıdy QazAqparat tilshisi.
Málim etilgendeı, mert bolǵandar arasynda 2 jáne 4 jasar balalar bar. Osyndaı qaıǵyly jaǵdaılardyń aldyn alý úshin búgin qalalyq ákimdik temirjol boıyndaǵy eldi mekender turǵyndaryna túsindirý jumystaryn júrgizdi. Atap aıtqanda, ákimdik qyzmetkerleri Qyzyljar, Igilik, Jańatalap, Táýelsizdikke 20 jyl jáne Kókbulaq turǵyn alaptarynyń, Órnek kóshesiniń turǵyndarymen kezdesti.
Aıta ketý kerek, osy aýmaqtardaǵy turǵyndardyń negizgi kúnkóris kózi - mal sharýashylyǵy. Temirjolǵa jaqyn jerden mal jıi ótetindikten, 2014 jyly úı janýarlarynyń jolǵa shyǵyp ketýiniń aldyn alý maqsatynda qorshaý qoıylǵan. Degenmen, turǵyndar qorshaýdyń symyn qıyp, maldy temirjol boıyna jaqyn jerde jaıýdy jáne belgilenbegen jerlerden aıdap ótýdi azaıtar emes. Buǵan qosa, úı janýarlaryn temirjol beketi mańynda qaraýsyz qaldyryp ketý oqıǵalary da tyıylmaı otyr.
Mamandar kezdesý barysynda temirjol aýmaǵynda júrip-turýdyń qaýipsizdik erejelerimen tanystyrdy. Sondaı-aq, temirjol mańyndaǵy orman alqaptarynda órt qaýipsizdigi men tazalyqty saqtaý qajettigi de eskertildi.
