Shymkentte «100 naqty qadam» - Ult jospary aıasynda atqarylǵan jumystar jarııa etildi
Ult josparyndaǵy ózi jetekshilik etetin salalar boıynsha baıandaǵan qala ákimi birqatar júıelengen jumystardyń barysymen bólisti.
Máselen, reformanyń 30-qadamy aıasynda jergilikti polıtsııa qyzmeti qurylyp, qoǵamdyq qaýipsizdikti qamtamasyz etý úshin velopolıtsııa men jol qaýipsizdigine jaýapty áýe baqylaýy jumysyn bastaǵan. Sonymen qatar, jergilikti polıtsııa qyzmetiniń jumysyn júıeleý úshin «ýatsap» messendjeri servısi iske qosylyp, ortaq qaýipsizdikti saqtaýǵa qala turǵyndary da atsalysýda. Máselen, sońǵy úsh kúnde atalǵan qyzmet túri arqyly 42 ótinish kelip túsken.
«Ult josparyndaǵy 76 qadam - bilim salasy boıynsha ótken jyldan bastap Shymkenttegi bilim salasyna jańa júıeler engizilip, bilim oshaqtaryna elektrondy basqarý aqparattyq-baǵdarlamalyq kesheni engizilýde. Sonymen birge, qala mektepteriniń dırektorlaryn taǵaıyndaý ashyq júrgizilip, 5 mekteptiń basshysy osy konkýrs negizinde taǵaıyndaldy. Munan bólek, bilim berý mekemelerinde «qamqorshylyq keńesi» qurylyp, túrli kómekter boıynsha jumysyn bastasa, qaladaǵy 37 mektep tanymal oqytý ádistemesi - «Syndarly oqytý teorııasynyń» oqý sapasyna áserimen tanysý úshin Nazarbaev Zııatkerlik mektepterimen tájirıbe almasý jáne pedagogıkalyq qaýymdastyq qurý maqsatynda memorandým túzdi», - dedi qala ákiminiń orynbasary.
Baspasóz jıynynda Q.Nurtaı «100 naqty qadamnyń» 99-qadamy qoǵamdyq keńester qurý boıynsha da jumystardyń júrgizilgenin baıandap, taıaýda onyń múshelerine qala basshysynyń atqarylǵan jumystar boıynsha esep bergenin jetkizdi. Elbasynyń Ult josparyna qoıǵan basty máselesi - úsh tuǵyrly tilge kóshý aıasynda da aıtyp bergen Q.Yrzaqululy Shymkenttegi eresek turǵyndardyń 87,3 paıyzy memlekettik tildi, 79,8 paıyzy qazaq jáne orys tilderin, 15 paıyzy qazaq, orys tilderimen qatar, aǵylshyn tilin meńgergenin habarlady. Sondaı-aq, sporttaǵy jasalyp jatqan jumystardy da jetkizgen ákim orynbasary barlyq isterdiń Memleket basshysynyń saıasatynyń aıasynda júrip jatqanyn aıtty.
