Shymkentte 100-den astam bala koronavırýstan jazylyp shyqty

ShYMKENT. QazAqparat – Shymkentte 100-den astam bala vırýsty ınfektsııadan jazylyp shyqqan. Olar Asar shaǵynaýdanyndaǵy balalar klınıkalyq aýrýhanasynda ashylǵan kópbeı̆indi provızorlyq ortalyqqa jatqyzylyp, koronavırýs pen pnevmonııadan emdeldi, dep habarlaıdy QazAqparat tilshisi.

Eki aı̆dan astam ınfektsııa statsıonary retinde ashylǵan ortalyqqa 107 naýqas kelip túsken. Onyń ishinde 98 baladan koronavırýs ınfektsııasy anyqtalǵan. Naýqas balalarǵa provızorlyq statsıonardaǵy 20-ǵa jýyq qyzmetker táýlik boı̆y emdegen. Nátıjesinde balalar aýrýhanasyndaǵy statsıonarda birde bir ólim tirkelmegen. Aı̆ta keteıik, balalarǵa arnalǵan provızorlyq ortalyqta pýlmonolog, travmatolog, hırýrg, nevrolog, neı̆rohırýrg, allergolog syndy beı̆indi dárigerler bar. Qazirgi tańda Shymkent qalasyndaǵy balalar klınıkalyq aýrýhanasyndaǵy provızorlyq ortalyq ınfektsııalyq statsıonar retindegi mindetin aıaqtap, burynǵy qalypty rejımdegi jumysqa kóshken.