Shymkentte 10 jastaǵy qyz izdestirilip jatyr
ShYMKENT. QazAqparat - Shymkentte 10 jastaǵy qyz joǵalyp ketti. Janel Maratova esimdi jetkinshek búgin túske taıaý úıinen shyǵyp ketip, qaıtyp oralmaǵan, dep habarlaıdy QazAqparat HAA tilshisi.
Qazir qalanyń polıtseıleri men týystary jabylyp jasóspirimdi izdestirýde.
Oblystyq ІІD baspasóz qyzmetiniń jetekshisi Saltanat Qarakózovanyń aıtýynsha, Janeldiń joǵalǵany jóninde anasy polıtsııaǵa aryz túsirgen.
«Búgin túski saǵat 15.00-der shamasynda jetkinshektiń anasy Abaı aýdandyq polıtsııa bólimine aryz túsirgen. Onyń aıtýynsha, tańerteń qyzyna jaqsy baǵalar almadyń dep azdap urysyp alǵan kórinedi. Soǵan ashýlanǵan Janel saǵat 11-00-der shamasynda 8-shi móltekaýdanyndaǵy úıinen shyǵyp ketip, qaıtyp oralmaǵan. Qazir ishki ister qyzmetkerleriniń búkil jeke quramy 10 jastaǵy qyzdy izdestirýde»,- deıdi Saltanat Qarakózova.
Joǵalǵan qyzdyń belgileri: boıy 140-150 sm, shaǵyn deneli, shashy men kózi, qasy kara. Ústine qyzyl fýtbolka, sary losıny kıgen. Aıaǵynda jazdyq aıaq kıimi bar.
Týystary eger qyzdy kórgender bolsa 102 nómerine nemese onyń anasy Záýrege 8-778-777-20-52 haralasýyn suraıdy.
