Shymkentte 10 jasar bala joǵalyp ketti
ShYMKENT. QazAqparat - Shymkentte aqyl esi kem 10 jasar bala izdestirilip jatyr. Óńirdiń tártip saqshylary naýqas jasóspirimniń iz-túzsiz joǵalyp ketkenin aıtty, dep habarlaıdy QazAqparat HAA tilshisi.
12 qyrkúıekte keshki saǵat 19.30-dar shamasynda Ál-Farabı aýdandyq polıtsııa bólimine Báıdibek aýdanynyń 40 jastaǵy kelinshekten aryz túsken. Ol óz aryzynda Quralbek Nurken Talǵatuly esimdi ulynyń iz-túzsiz joǵalyp ketkenin kórsetken. Arnaıy mektep-ınternatynda oqıtyn uly sol kúni saǵat 13.45-te belgisiz jaqqa shyǵyp ketip, qaıtyp oralmapty.
Joǵalǵan balanyń belgileri: boıy 133 sm, shaǵyn deneli, shashy qara. Ústinde qara tústi sporttyq kostıým, qara tústi aıaq kıimi bolǵan. Psıhıkalyq naýqas bolýyna baılanysty anyq sóıleı almaıdy, jaı ǵana sóıleıdi. Qazir polıtseıler balany jan-jaqtan izdestirýde. Eger balany kórgen bilgender bolsa Ál-Farabı aýdandyq polıtsııa bólimine 54-53-66 nemese «102» nómirine habarlasýdy suraıdy.
