Shymkentte 10 nysanda karantın talaptary saqtalmaıtyny anyqtaldy

ShYMKENT. QazAqparat - Shymkentte ótken táýlikte koronavırýs juqtyrýǵa qatysty 53 jaǵdaı tirkelgen. 29 adamnan aýrý belgisi anyqtalyp, 12 adam ınfektsııalyq statsıonarǵa jatqyzylǵan, dep habarlaıdy QazAqparat tilshisi.

Qazirgi tańda mamandandyrylǵan ınfektsııalyq statsıonarlarda tósek oryn tolymdyǵy - 32%. Infektsııalyq statsıonarda 328 naýqas emdelip, 22 naýqas jansaqtaý bóliminde em qabyldaýda. 6 adam jasandy tynys alý apparatyna qosylǵan.

Qala aýmaǵynda sanıtarlyq-epıdemıologııalyq talaptardyń saqtalýyn baqylaý úshin 24 mobıldik top monıtorıng jumys istep jatyr. Ótken táýlikte 353 nysanǵa tekserý júrgizilip, 10 nysanda karantın talaptary saqtalmaıtyny anyqtaldy.

Shymkentte 7 sáýirden bastap barlyq sanattaǵy adamdarǵa ekpe salynyp jatyr. Qalaǵa 30 myń doza vaktsına jetkizilgen. Ekpe egý senbi, jeksenbi kúnderi de, tańǵy saǵat segizden keshki segizge deıin júrgiziledi. Ázirge 37 vaktsınatsıalaý beketi bar. Bekettiń ishinen taǵy qosymsha bólimder ashylýda.