Shymkentte 10 mekeme jumysshylaryna 57 mln teńge jalaqysyn bermegen

ShYMKENT. QazAqparat - Shymkentte jyl basynan beri jumysshylar aldyndaǵy jalaqy qaryzy 57 mln teńgeden asqan. Qaryzdar qaladaǵy 10 mekemede tirkelip otyr. Bul týraly búgin Túrkistan oblysy jáne Shymkent qalasy kásipodaq uıymdarynyń «Eńbek qaýipsizdigi jáne eńbekti qorǵaý» taqyrybyndaǵy semınarynda aıtyldy, dep habarlaıdy QazAqparat tilshisi.

Shymkent qalalyq Kirister departamentiniń málimetine qaraǵanda eki mekemede ońaltý rásimi júrýde. Taǵy eki mekeme resmı túrde bankrot dep tanylǵan. Nátıjesinde osy tórt mekemeniń 86 jumysker aldyndaǵy jalaqy qaryzy 29,8 mln teńgege jetken.

Kásipodaq uıymdary birlestiginiń tóraǵasy Berik Bekjanovtyń aıtýynsha, jyl basynan beri qalada 21 661 kásiporyn (592 memlekettik jáne 21 069 jekemenshik) jumys istep turǵany anyqtalǵan. Alaıda olardyń arasynda tek 1 033-inde (4,8%) ǵana ujymdyq shart túzilgen. Al 20 628 (95,2%) mekemede ujymdyq shart jasalmaǵan. Saldarynan osy sharttardyń joqtyǵy eńbek daýlaryn der kezinde sheshýge kedergi keltirip otyr.