Shymkentte 10 kún ishinde uıaly telefon qoldanǵan 1166 júrgizýshi jazaǵa tartyldy
ShYMKENT. QazAqparat - Shymkentte 10 kún ishinde uıaly telefon qoldanǵany úshin 1166 júrgizýshi əkimshilik jazaǵa tartyldy. Sonsha adamǵa qaýipsizdik belbeýin taqpaǵany úshin aıyppul salyndy.
"Ýragan" jedel aldyn alý sharasyn qorytyndylaǵan qalalyq Jol polıtsııasy basqarmasynyń qyzmetkerleri 6205 əkimshilik quqyq buzýshylyq deregi tirkelgenin málimdedi, dep habarlaıdy QazAqparat HAA tilshisi.
10 kún ishinde polıtseıler usaq buzaqylyq boıynsha 62, al qoǵamdyq oryndarda mas halde júrgeni úshin 67 azamatty jazalapty. Belgilenbegen oryndarda saýda jasaǵan 81 turǵyn da tərtip saqshylarynyń nazarynan tys qalmady. Sondaı-aq keshki ýaqytta eresekterdiń qaraýynsyz kóshede júrgen 95 jasóspirim anyqtalyp, olardyń ata-analary aıyppul tóleıtin boldy.
«Jol qaýipsizdigi boıynsha kórsetkishterdi de atap ótkim keledi. Bul ýaqyttary Shymkenttiń ala quıyn júrgizýshileri jyldamdyqtaryn bəseńdetip, qarsy baǵytqa shyǵýlaryn azaıtty. Məselen, 10 kún ishinde jyldamdyq tərtibin buzǵany úshin 3 júrgizýshi, al qarsy baǵytqa shyǵyp ketkeni úshin 7 júrgizýshi jazaǵa tartyldy. Buryn bul kórsetkishter anaǵurlym joǵary bolatyn. Shyny kerek, barlyq júrgizýshige mas halde rýlge otyrmaý kerektigine kóz jetkizý múmkin bolmady. 10 kúnde osyndaı 48 adam anyqtaldy»,- dedi qalalyq Jergilikti polıtsııa bastyǵy Danııar Meıirhan.
Ol júrgizýshilerdi sonymen qatar kólikti basqaryp kele jatqanda uıaly telefondy paıdalanbaý, qaýipsizdik belbeýin taǵý, jyldamdyq rejimin saqtaý jəne joldyń qarsy baǵytytyna quıyndatyp shyqpaýǵa shaqyrdy.
«Alkogol ishkennen keıin júrgizýshi ornyna otyrýǵa ózderińizge tyıym salýlaryńyz qajet ekendigin taǵy da nazarlaryńyzǵa salǵym keledi. Soǵan qosa, rýlde otyryp uıaly telefondy paıdalanbaýǵa shaqyramyn. Bul óte qaýipti! Sondaı-aq jolda kezdeskenderdiń ómirin saqtaýǵa múmkindik beretin negizgi erejeler. Abaı bolyńyzdar, sonda ǵana óz qalamyzdyń qaýipsizdigin birge saqtaımyz»,- dedi shahardyń Jergilikti polıtsııa bastyǵy.
