Shymkentte 10 adamdy aldap ketken alaıaq áıel ustaldy
ShYMKENT. QazAqparat - Shymkentte 10 turǵynda aldap ketken alaıaq áıel ustaldy. 29 jastaǵy kelinshek baspana alýǵa kómektesemin dep olardyń aqshalaryn ıemdenip ketken, dep habarlaıdy QazAqparat HAA tilshisi.
Oblystyq ІІD baspasóz qyzmetiniń málimetinshe, kúdiktiniń ústinen 38 jastaǵy qala turǵyny shaǵymdanǵan. Ol óz aryzynda tanysy ózin bankte isteımin dep senimine kirip, bir mıllıon teńgege jýyq aqshasyn alǵan. Keıin ustatpaı ketipti. Artynsha polıtsııa bólimshesine dál osyndaı aryzdar birneshe jábirlenýshiden túsken.
Tártip saqshylary tez arada izdestirý sharalaryn júrgizip, sezikti áıeldi qolǵa túsirdi. Jaýap alý barysynda onyń 10 alaıaqtyqqa qatysy bar ekendigi anyqtaldy.
ıAǵnı, kúdikti negizinen úı alǵysy keletin adamdardy taýyp, solardy aldaýmen aınalysqan. Barlyq jaǵdaılarda ol jábirlenýshilerdiń senimine kirip, baspanaly bolýǵa kómektesemin deıdi. Sońynan aqshalaryn alyp bolǵan soń, izin sýytqan.
Qazirgi kezde kelinshektiń jábirlenýshilerge bas-aıaǵy 3,5 mln teńgeden asa zalal keltirgeni dáleldenip otyr. Odan bólek basqa da alıaqtyq qylmystarǵa qatysy barlyǵy anyqtalýda.
Búgingi tańda kúdiktiniń ústinen Qylmystyq kodekstiń 190-baby «Alaıaqtyq» boıynsha is qozǵalyp, tergeý amaldary júrgizilýde.
