Shymkentte 1 jeltoqsannan bastap turǵyndarǵa jańa avtobýstar qyzmet kórsetedi
ShYMKENT. QazAqparat - Shymkent qalasyna turǵyndardy qoǵamdyq kólikpen qamtý maqsatynda jańadan 590 avtobýs jetkizildi, dep habarlaıdy QazAqparat.
Jolaýshylardy tasymaldaý úshin barlyq jaǵdaı qarastyrylǵan avtobýs, joǵary sapa standartyna sáıkestendirilgen.
Qala ákimi Murat Áıtenov jańa avtobýstardy kórý úshin «T-bus» avtoparkine bardy. Mundaǵy barlyq avtobýstar beınekamera, jeldetkish, habarlama jarııalaýǵa arnalǵan mıkrofondarmen jabdyqtalǵan. Sonymen qatar, avtobýstarda pandýs pen múgedekterdiń arbalaryn ornalastyratyn oryndar da qarastyrylǵan.
Kompanııa qoǵamdyq kólikterde metan-gazyn paıdalanýda úlken tájirıbege ıe. Marshrýttarǵa úzdiksiz qyzmet kórsetý úshin óndiristik-tehnıkalyq bazasy men avtomattandyrylǵan gaz toltyrý stantsııasy bar.
1 jeltoqsannan bastap 150 avtobýs qalanyń shalǵaı aýdandaryn ortalyqpen baılanystyratyn №103, 27, 35, 84, 135, 92, 74, 12 marshrýttarynda qyzmet kórsetedi.
«Aıta keteıik, shaharda jolaýshylardy tasymaldaýdy damytýdyń 2018-2020 jyldarǵa arnalǵan keshendi baǵdarlamasy negizinde qala ákimdigi tarapynan byltyr 300 avtobýs satyp alynǵan bolatyn. Qazirgi tańda bul avtobýstar halyqtyń ıgiligine qyzmet kórsetip otyr»,-delingen habarlamada.
