Shymkentte 1 jasar sábı basseınge qulap, sýǵa batyp ketti
Oqıǵa Abaı aýdany, Qyzyljar shaǵyn aýdany, Bershintóbe kóshesinde ornalasqan jeke turǵyn úıde bolǵan. Aýlada qaraýsyz qalǵan sábı basseınge qulap ketken. Ata-anasy qasynda bolmaǵan. Qazirgi tańda oqıǵanyń mán-jaıy anyqtalýda.
Al, Shymkent qalasynyń TJD saqtyq sharalardy árdaıym saqtaý kerektigin eskertedi.
«Balalarǵa sýdyń janynda eresek adamnyń qaraýynsyz bir mınýtqa qalýǵa múmkindik bermeý qajet. Náresteler men 5 jasqa deıingi balalar anatomııalyq erekshelikterine baılanysty sýǵa batýǵa beıim. Olardyń denesimen salystyrǵanda basy salystyrmaly túrde aýyr, aýyrlyq ortalyǵy joǵary, sondyqtan olar basseınde, teńizde, vannada jáne t.b. op-ońaı sýǵa batyp ketýi múmkin», - deıdi Shymkent qalasy TJD qoǵammen baılanys toby.
Aıta keteıik, shilde aıynyń basynda da Shymkentte 6 jasar bala basseınge qulap, sýǵa batyp ketken bolatyn.