Shymkentte 1 myń oryndyq aýrýhana men konsýltatsııalyq-dıagnostıkalyq ortalyq salynady

ShYMKENT. QazAqparat - Shymkentte 1 000 orynǵa arnalǵan iri aýrýhana men aýysymyna 700 adam qabyldaıtyn konsýltatsııalyq-dıagnostıkalyq ortalyq salynady. Bul týraly qala ákimi Ǵabıdolla Ábdirahymovtyń atalǵan iri jobany qarjylandyryp otyrǵan ınvestorlarmen kezdesý barysynda aıtyldy, dep habarlaıdy QazAqparat tilshisi.

Kezdesý barysynda qala basshysy bul joba Úkimet tarapynan bekitilgen iri jobalardyń biri ekenin aıtyp, ony júzege asyrý úshin ákimdik barynsha qoldaý kórsetetinin jetkizdi.

Aıta keteıik, qurylys jumystaryna ákimdik tarapynan 150 gektar jer bólingen. Sáýlettik-qurylys jobasy bekitilgen nysannyń qurylys jumystary tamyz aıynda bastalady dep josparlanýda.

Jalpy joba quny 180 mln AQSh dollaryn quraıdy. Onyń 15 paıyzyn jergilikti jeke kásipker óz qarajaty esebinen qarjylandyrsa, qalǵan 80 paıyzy ınvestordyń esebinen bolmaq. Joba boıynsha aýrýhana 6 korpýstan turady. Onyń ishinde, hırýrgııalyq, terapııalyq jáne ana men bala ortalyǵy, patologoanatomııalyq bıýro jáne sot-medıtsınalyq saraptama bıýrosy men jedel medıtsınalyq jáne sanıtarlyq-avıatsııalyq kómek ortalyǵy naýqastarǵa joǵary deńgeıde kómek kórsetetin bolady.