Shymkentte 1 mamyrǵa deıin birqatar shekteý engiziledi
Maqsut Pernebaıulynyń aıtýynsha, koronavırýstyq ınfektsııanyń taralýyna jol bermeý jáne epıdemıologııalyq jaǵdaıdyń asqynýynyń aldyn alý maqsatynda qalanyń bas memlekettik sanıtarııalyq dárigeriniń «Karantındik sharalardy kúsheıtý týraly» qaýlysy shyqqan.
Qaýlyǵa sáıkes, qalanyń barlyq aýmaǵynda 19 sáýiri saǵat 00:00-den bastap 01.05.2020 jyly saǵat 07.00-ge deıin birqatar shekteýler engizilip otyr.
«Qalamyzda bir kúnde 11 adam koronavırýs juqtyrdy. Osyǵan oraı, indettiń taralý qaýpine baılanysty qalamyzda saqtyq sharalary kúsheıtildi. Atap aıtsaq, aıyrbastaý pýnktteriniń, mıkrofınanstyq uıymdardyń qyzmetin onlaın jumys rejımine jáne «klıentterge deıin jetkizý» prıntsıpi boıynsha kóshirý arqyly ýaqytsha shekteledi. Sonymen birge, qalada qoǵamdyq kólikter de jumysyn toqtatady. Qoǵamdyq kólikter toqtaǵanymen qalada arnaıy tirkelgen 11 taksı kompanııasy jumysyn jalǵastyra beredi. Olarda 2 adamnan artyq jolaýshy alýǵa bolmaıdy. Tirkelmegen taksılerge ruqsat joq. 65 jastan asqan azamattarǵa jáne 18 segiz jasqa tolmaǵan azamattar turǵyn úıden eresek adamnyń súıemeldeýinsiz shyǵýyna tyıym salyndy. Bul rette Shymkent qalasynyń polıtsııa departamentiniń, Іshki ister mınıstrliginiń Ulttyq gvardııasynyń, Qorǵanys mınıstrliginiń áskerı qurylymdarynyń kúshterimen karantındik aýmaqty patrýldeý tapsyryldy», - dedi qala ákiminiń orynbasary M. Isahov.
Sondaı-aq, brıfıngte sóz alǵan Shymkent qalasy taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Almat Qosalıev qala turǵyndaryna karantın talaptaryn oryndap, mamandar usynǵan nusqaýlyqtarǵa jiti qulaq asýǵa keńes berdi.