Shymkentte 1,5 jasar búldirshin 6 metrlik shuńqyrǵa qulap ketti
ShYMKENT. QazAqparat - Shymkenttiń irgesindegi Telman bólimshesinde 1,5 jasar búldirshin tereń shuńqyrǵa qulap ketti. Abyroı bolǵanda bala 6 metr tereńdikke salynǵan betonnyń arasyna turyp qalyp, aman qalǵan, dep habarlaıdy QazAqparat HAA tilshisi.
Oqıǵa ornyna jetken qutqarýshylar bir jarym metr tereńdiktegi temir betondy arnaıy quraldarmen bólip, arasyna turyp qalǵan búldirshindi shyǵaryp aldy. Qutqarýshylar jasaǵynyń jetekshisi Pavel Vıshenın «eger bala sol betonnyń eki ortasyna turyp qalmaǵanda, alty metr tereńdiktegi shaıyndy sýlar jınaıtyn shuńqyrǵa qulap keter edi, onda kishkentaı balanyń aman qalýy ekitalaı edi, kórer jaryǵy bar eken», - deıdi.
Keıinnen búldirshinniń ata-anasy jedel járdem qyzmetin shaqyrtqan. Balany densaýlyǵyn teksergen dárigerler onyń aıtarlyqtaı jaraqat almaǵandyǵyn aıtyp, úıinde qaldyrdy.
