Shymkentte 1,5 mlrd teńgeniń jalǵan shot-faktýrasyn jasaǵan 3 adam sottaldy

NUR-SULTAN. QazAqparat - Qarjylyq monıtorıng agenttigi 1,5 mlrd teńgeniń jalǵan shot-faktýrasyn jasaǵandardy ustady, dep habarlaıdy QazAqparat Agenttikke silteme jasap.

QMA Shymkent qalasy boıynsha departamenti jalpy somasy 1,5 mlrd teńgeni quraıtyn jalǵan shot-faktýra jazýmen aınalysqan azamattar M.A.Ajıbaevqa, A.O.Akynovqa jáne A.Aqynǵa qatysty qylmystyq isti tergep, sotqajiberdi.

Sot úkimine sáıkes, atalǵan tulǵalar kináli dep tanylyp, túpkilikti múlki tárkilenýmen kásipkerlik jáne qarjylyq qyzmetimen aınalysý quqyǵynan 7 jyl merzimge aıyra otyryp, 2 jyl merzimge bas bostandyǵynan aıyrý jazasy taǵaıyndaldy.

Sonymen qatar sottalǵan tulǵanyń atyna tirkelgen «Toyota» markaly avtokólik tárkilenip memleket menshigine aınaldyryldy.