Shymkentte 1,3 mln túp qyzǵaldaq tuqymy otyrǵyzyldy
ShYMKENT. QazAqparat - Ońtústik Qazaqstan oblysynyń ortalyǵy Shymkentte 1,3 mıllıon túp qyzǵaldaq tuqymy otyrǵyzyldy, dep habarlaıdy QazAqparat oblys ákiminiń baspasóz qyzmetine silteme.
Qystaı qar astynda jatyp, erte kóktemde qalany sulýlyqpen kómkeretin gollandııalyq gúlderdi otyrǵyzý jumystary aıaqtalýǵa jaqyn. Byltyr dál osyndaı qyzǵaldaqtardyń 700 myń túbi egilgen bolatyn. Bıyl olardyń sany eki esege ulǵaıyp otyr.
Tuqym egý jumystary qalanyń ortalyq kóshelerinde sáýletshiler men sýretshilerdiń birlesip syzǵan eskızine saı egilýde.
«Biz egip jatqan gúlder kelesi jyldyń kókteminde, ıaǵnı sáýir aıynda ádemi bolyp gúldeıtin bolady. Negizinen Gollandııadan kelgen gúldiń sorttary otyrǵyzyp jatyrmyz. Sary, qyzyl, kók, alqyzyl, kúlgin sekildi 6 túrli tús bar. Eger kútimi men baptaýy jaqsy bolsa, qalaǵa erekshe sulýlyq syılary sózsiz», - deıdi kógaldandyrý kompanııasynyń ókili Sultanhan Ahmetov.
Kúz aıynda egilgen gúlder kóktem mezgilinde tolyq jaıqalyp ósken kezde ulttyq naqyshtaǵy oıýlar men geometrııalyq fıgýralardy tamashalaýǵa múmkindik týmaq.
