Shymkentte 1,1 mlrd teńgege jalǵan shot-faktýralar jazyp bergen azamat ustaldy

ASTANA. QazAqparat – QR Qarjylyq monıtorıng agenttiginiń Shymkent qalasy boıynsha departamenti jalǵan shot-faktýralardy is júzinde oryndamaı jazyp berýmen aınalysqan azamattyń qyzmetin áshkereledi, dep habarlaıdy QazAqparat.

Agenttiktiń baspasóz qyzmeti taratqan aqparatqa qaraǵanda, qylmystyq áreketti júzege asyrý úshin 3 kompanııa qurylǵan. Olardyń aınalymdaǵy qarjysy 1,1 mıllıard teńgeden asqan, memleket bıýdjetine 380 mıllıon teńgeden astam salyq túspegen.

«Qylmystyq is sotta qaralyp jatyr»,-delingen habarlamada.

Foto:hkwj-taxlaw.hk