Shymkentke keletin týrıster sany jyl sanap artyp keledi
QR Prezıdenti Qasym-Jomart Toqaevtyń Joldaýynda aıtylǵan týrızmdi, ásirese ekotýrızm men etnotýrızmdi damytýǵa ekonomıkanyń mańyzdy salasy retinde basa mán berý qajet tapsyrmasy shym shaharda júıeli túrde oryndalyp keledi. Búginde kóne qala týrısterdiń aǵynyn qabyldaı otyryp, túrli qyzmetterin usynyp keledi.
Sala mamandarynyń sózinshe, Shymkenttiń týrıstik mańyzy óte úlken. Atap aıtqanda, shym shahar Tashkent, Bishkek jáne Qazaqstannyń soltústik óńirin qosatyn torap bolyp tabylatyn ınfraqurylymy damyǵan iri qala sanalady. Búginde úshinshi megapolıste ishki jáne halyqaralyq týrıstik naryqta belsendi segmenttiń qalyptasýy úshin barlyq múmkindikter jasalǵan.
Qalada 109 qonaq úı men 10 saıabaq, 7 murajaı men 25 áleýmettik-mádenı nysan, 5 teatr men 18 akvapark jáne 6 tabıǵı sý qoımasy ornalasqan. Jyl saıyn mundea keletin týrıster sany ósýde. Máselen, 2018 jyly týrıster sany 178 myń adamdy qurasa, aǵymdaǵy jyldyń 9 aıynda kórsetkish 185 myń adamnan asqan. Jyl sońyna deıin kelýshiler sany 213 myńnan astam týrıstke jetedi dep jsosparlanyp otyr. Bastysy, qalaǵa keletin qonaqtar úshin túrli jaǵdaılar jasalýda. Týrızm basqarmasy qalanyń 20 týrıstik kórikti oryndarynda 3 tilde (qazaq, orys jáne aǵylshyn) aqparat beretin QR-taqtaıshalar ornatyp, IZI travel halyqaralyq týrıstik platformasynda ornalasqan 3 tilde 20 nysannyń aýdıogıdteri ázirlengen.
«GIS mobıldik qosymshasynda týrıstik nysandar men qalalyq baǵyttar týraly aqparat ornalastyrylǵan. Kelesi jyly osy baǵyt boıynsha jumys jalǵastyrylatyn bolady. Basqarma tarapynan qosymsha 10 QR-aqparattyq taqtaıshasyn ornatýdy jáne aýdıogıdterdi jazýdy josparlap otyr. Sondaı-aq, «Eski qalashyq» týraly VR, AR rolıkterin ázirleýge ótinim berildi. Rolıkter týrıster arasynda tanymaldylyqqa ıe bolǵan jaǵdaıda, bul baǵyttaǵy jumystar basqa nysandar boıynsha da júrgiziletin bolady»,- deıdi basqarma ókilderi.
