Shymkentke 30 jańa avtobýs jetkizildi
ShYMKENT. QazAqparat - Shymkentke 30 dana jańa avtobýstar partııasy jetkizildi, dep habarlaıdy QazAqparat.
«Shymkent Bus» kompanııasynyń jańa dızaınmen kórkeıtilgen avtobýstary endi qalanyń ortalyq bóligindegi turǵyndarǵa qyzmet kórsetedi. Kólik salasynyń ókilderi qalanyń syrt jaǵyndaǵy aımaqtardy da nazardan tys qaldyrmaǵan.
«Qalaǵa jaǵyn aýyldarǵa áleýmettik baǵyttar qajet. Jeke tasymaldaýshylar shyǵyndaryn óteı almaıdy. Osy sebepti biz 10 áleýmettik baǵytty belgiledik. Bul baǵyttar boıynsha jumysqa bıýdjetten sýbsıdııa bólinedi. Biz qazir ortalyqta júrgen avtobýstardy osy baǵyttarǵa jóneltemiz de, jańa kólikter qalanyń ortalyǵynda jumys isteıdi»,-dedi Jolaýshylar kóligi bóliminiń jetekshisi Qýatjan Jumataev.
Taǵy 70 jańa avtobýs Shymkentke qańtar aıynyń sońyna taman jetkiziledi.
