Shymkentik prokýrorlar qylmystyq isti qaraý merzimin qysqartýdyń jańa júıesin oılap tapty
ShYMKENT. QazAqparat - Shymkentik prokýrorlar qylmystyq isti qaraý merzimin qysqartýdyń jańa júıesin oılap tapty. Endi isi túsip, ishki ister bóliminiń aldyna barǵan azamattar burynǵydaı polıtsııa ǵımaratynyń aldynda saǵattap otyrmaıdy. Olar úshin ishki ister bóliminiń kire berisinde «prokýror beınebaqylaýy» ornatyldy, dep habarlaıdy QazAqparat HAA tilshisi.
Osy baqylaý arqyly kez-kelgen azamat kezekshi prokýrormen tikeleı júzdesip, saǵyzsha sozylǵan istiń sebebin bile alady.
«Bul azamattardyń ýaqytyn únemdeýge kómektesedi»,-deıdi jobany úılestirýshiler.
Bul júıeni qadaǵalaý organy ókilderi «prokýror domofony» dep atady. ıAǵnı, qylmystyq protsestegi isti qaraýdy tergeýshi nemese anyqtaýshy merziminen keshiktiretin bolsa, onda aryzdanýshy nemese jábirlenýshi tarap esh oılanbastan osy qondyrǵyny basýyna bolady. ıAǵnı olar kezekshi prokýrormen tildesip, ózine qajetti másele boıynsha naqty jaýap ala alady.
«Jańa júıe qoldanysqa endi ǵana engizildi. Óz kezeginde kezekshi prokýror azamatty qabyldaǵan soń, oǵan qatysty qandaı da bir qylmystyq is qozǵalǵan bolsa nemese ol jábirlenýshi bolsa oǵa mindetti túrde máseleniń mán-jaıyn 10-15 mınýt ishinde egjeı-tegjeıli 10-15 túsindirip beredi. ıAǵnı, azamattardyń polıtsııa ǵımaratynyń aldynda tergeýshini nemese anyqtaýshyny saǵattap kútýine jol bermeımiz»,-deıdi Abaı aýdany prokýrorynyń orynbasary Dáýlet Tilemisov.
