Shymkente koronavırýs anyqtalǵan áıel karantındik statsıonarda jatqan

ShYMKENT. QazAqparat – Búgin saǵat 17:30-daǵy jaǵdaı boıynsha, Shymkent qalasynda 1 áıeldiń koronavırýs juqtyrǵany anyqtaldy.

«Vırýs juqtyrǵan adam 1987 jylǵy áıel, ózine deıin vırýsty juqtyrǵan naýqaspen qarym-qatynasta bolýyna baılanysty karantındik statsıonarǵa jatqyzylyp, zerthanalyq synama alynǵan. PTR dıagnostıkalyq zertteý qorytyndysymen COVID-19 dıagnozy qoıyldy. Qazirgi tańda naýqastyń jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde»,-delingen Tótenshe jaǵdaı rejımin qamtamasyz etý jónindegi Memlekettik komıssııanyń jedel shtabynyń habarlamasynda.

Jedel shtabtyń málimetterie qaraǵanda, naýqaspen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda. Aýrý oshaǵynda dezınfektsııalyq jumystar júrgizilýde.

Qazirgi ýaqytta Shymkentte COVID-19 koronavırýs ınfektsııasyn juqtyrǵan 216 adam anyqtalǵan.