Shymkent zoobaǵynda jırafqa minip alǵan jigitti polıtsııa izdep jatyr

ShYMKENT. QazAqparat – Shymkent zoobaǵynda jıraftyń moınyna minip alǵan azamatty polıtsııa izdestire bastady. Bul týraly qalalyq PD baspasóz qyzmeti málimet taratty, dep habarlaıdy QazAqparat tilshisi.

«28 shildede Shymkent zoobaǵynyń ákimshiligi ál-Farabı aýdanynyń polıtsııa basqarmasyna aryz túsirgen. Onda zoobaqqa kelýshilerdiń biri tártip erejesin buzǵany týraly habarlanǵan. Qazirgi tańda polıtsııa qyzmetkerleri ákimshilik jaýapkershilikke tartý maqsatynda kelýshiniń jeke basyn anyqtaýda» delingen habarlamada.

Aıta keteıik, áleýmettik jelilerde zoobaq aýmaǵynda kelýshilerdiń biri kerikke minip, buzaqylyq jasaǵany týraly vıdeo taraǵan bolatyn. Keıinnen bul kórinistiń 27 shilde kúni túsirilgeni belgili bolǵan. Jeli qoldanýshylary tártip buzǵan azamattyń tıisti jazasyn alýyn polıtsııadan talap etken bolatyn. Osydan keıin zoobaq basshylyǵy polıtsııa basqarmasyna aryz túsirgen.