Shymkent zoobaǵynda túıequstyń 6 balapany jumyrtqany jaryp shyqty

ShYMKENT. QazAqparat - Shymkent zoobaǵynyń tarıhynda alǵash ret jumyrtqalardan túıequs balapandary jaryp shyqty, dep habarlaıdy QazAqparat tilshisi.

Qýanyshty jańalyqpen haıýanattar baǵynyń baspasóz hatshysy Dastan Bashırov bólisti. Oqıǵa bir aıdan astam ýaqyt buryn bolǵan. Túıequstyń 6 balapany jumyrtqany jaryp shyqqan. Barlyǵynyń jaǵdaıy jaqsy. Dál qazir ınkýbatorda qosymsha 6 jumyrtqa bar. Olardyń barlyǵy - afrıkalyq 5 túıequstyń tóli. 

«Túıequstyń jumyrtqalary iri keledi, árqaısysynyń salmaǵy - 1,5 keli. Eresek túıekqustar - eń úlkenderi, olardyń boıy 2,7 metr, salmaǵy 130 kelige deıin barady.Túıequstar kóbine shóleıt jerlerdi meken etedi, jyldamdyqtary saǵatyna 72 shaqyrymǵa jetedi», - deıdi D. Bashırov.