Shymkent zoobaǵynda sýsıyr ólip qaldy
ShYMKENT. QazAqparat - Shymkent zoobaǵynda sýsıyr ólip qaldy. «Lambada» esimdi janýar 26 jasta bolǵan eken. Baq qyzmetkerleriniń sózinshe, urǵashy sýsıyrdyń sońǵy bir aptada tábeti bolmaı, tamaq jeýden bas tartypty, dep habarlaıdy QazAqparat HAA tilshisi.
Dese de janýardyń naqty ne sebepti ólgeni tıisti saraptamalar júrgizilgen soń belgili bolady. Belgilisi ol sońǵy jeti jyl kóleminde aıaǵyn zaqymdap alǵan edi. Ári únemi oǵan dáriler salynyp júripti. Qalaı bolǵanda da mamandar janýardy tıisti jerge aparyp, jerlep qoıǵanyn aıtady.
Aıta keteıik, ádette sýsıyrlar 50 jylǵa deıin ómir súredi. Al Lambada 26 jyl jasap, úsh tól týǵan. Kenjesi Glorııa ótken jyly týylǵan bolatyn. 
