Shymkent zoobaǵynda kishkentaı qyz maımyl turatyn volerdiń áınegin taspen uryp syndyrǵan

ShYMKENT. QazAqparat - Shymkent zoobaǵynda kishkentaı qyz maımyl turatyn volerdiń áınegin syndyryp tastady, dep habarlaıdy QazAqparat tilshisi.

Oqıǵa 4 sáýir kúni keshki 17:40 shamasynda bolǵan.

Maımyldardy tamashalap turǵan otbasynyń kishkentaı qyzy volerdiń shyny áınegin taspen uryp syndyrǵan. Ata-anasy bolǵan jaǵdaıdy kóre tura eshkimge eskertpeı ketip qalǵan. Atalǵan jaǵdaı boıynsha zoobaq ujymy, memleket múlkine zııan keltirgen otbasyǵa izdeý salyp, polıtsııaǵa júgingen.

Al, synǵan áınekti Shymkent qalasyndaǵy «Asia Trafo» zaýytynyń basshylyǵy qalpyna keltirip beretindigin jetkizdi. Oqıǵany áleýmettik jeliden kórgen kásiporyn basshylyǵy óz kómegin usynypty.

«Qyzdyń ata-anasy zoobaq ákimshiligine kelip, bolǵan jaǵdaı úshin óz ókinishterin bildirip, keshirim surady. Jazylǵan aryz-shaǵymdy zoobaq ákimshiligi qaıtaryp aldy» delingen ZOObaq ákimshiligi tarapynan taratylǵan aqparatta.