Shymkent zoobaǵynda dúnıege kelgen qonjyqqa «Ýmka» degen esim berildi

ShYMKENT. QazAqparat - Shymkent zoobaǵynda dúnıege kelgen qonjyqty kópshilik kórýge múmkindik aldy, dep habarlaıdy QazAqparat tilshisi.

Ótken jyldyń jeltoqsan aıynda Shymkenttegi zoobaqta qonjyq dúnıege kelgen bolatyn. Sol sátte oǵan «Ýmka» atty laqap at berildi. Qazir úsh aılyq qonjyq torǵa shyǵyp, zoobaqqa kelýshilerdiń kózaıymyna aınalyp otyr.

«Qurmetti dostar! Bizdiń sizderge jaqsy jańalyǵymyz bar! Tıan-Shannyń aq tyrnaqty qońyr aıýlary, laqap attary Bımka men Tatıananyń jeltoqsan aıynda qonjyǵy dúnıege kelgen bolatyn. Qazirgi kezde anasy men qonjyqtyń jaǵdaıy jaqsy. Ol anasynyń artynan qyzyǵýshylyqpen erip júredi. Al, Tatıana - óte qamqor ana, ol qonjyǵynan bir qadamǵa da alshaq ketpeıdi» - delingen zoobaq ókilderi taratqan aqparatta.

Eske sala keteıik, Bımka men Tatıana Shymkentke 2016 jyly Almaty zoobaǵynan alyp kelingen bolatyn.