Shymkent zoobaǵyna kirý aqysy arzandady

ASTANA. QazAqparat - Shymkent qalasynyń ákimi Ǵabıdolla Ábdirahymov qalalyq zoobaqqa kirý aqysyn tómendetti, dep habarlaıdy QazAqparat Shymkent zoobaǵyna silteme jasap.

Qala ákiminiń qaýlysymen bılet baǵasy burynǵy 500 teńgeden 300 teńgege deıin arzandady.

«Shymkent zoobaǵy - halyq kóp keletin demalys oryndarynyń biri. Baǵa arzandady. Budan bylaı munda kelýshiler sany burynǵydan artady. Biz halyqtyń áleýmettik jaǵdaıyn únemi nazarǵa alyp otyramyz», - dedi Ǵabıdolla Rahmatollauly.

Belgili bolǵandaı, endi Shymkent zoobaǵyna kirý bıletiniń baǵasy eresekter úshin - 300 teńge, al balalar bıleti 150 teńge bolyp bekitildi.