Shymkent júrek ortalyǵy Nazarbaev Ýnıversıtetiniń menshigine ótedi

ASTANA. QazAqparat – «Shymkent júrek ortalyǵynyń» memleket ıeligindegi 100% aktsııasy Nazarbaev Ýnıversıtetiniń menshigine berilýi múmkin, dep habarlaıdy QazAqparat tilshisi.

«Shymkent júrek ortalyǵy» kommertsııalyq emes aktsıonerlik qoǵamy aktsııalarynyń memlekettik paketiniń 100 paıyzy Shymkent qalasynyń kommýnaldyq menshiginen shyǵarylyp, Nazarbaev Ýnıversıteti derbes bilim berý uıymynyń menshigine óteýsiz negizde berilsin. Shymkent qalasynyń ákimdigi Nazarbaev Ýnıversıtetimen birlesip, QR zańnamasynda belgilengen tártippen osy qaýlydan týyndaıtyn qajetti sharalardy qabyldasyn», - delingen Ashyq NQA portalynda jarııalanǵan Úkimet qaýlysynyń jobasynda.

Qujat 28 shildege deıin kópshilik talqylaýda bolady.

Buǵan deıin Densaýlyq saqtaý mınıstrliginiń menshigindegi 516 mln teńgeniń múlki Nazarbaev Ýnıversıtetine beriletinin jazyp edik.