Shymkent: Jumyspen qamtý bóliminiń eks-basshysy bes jylǵa kesildi
ASTANA. QazAqparat - Búgin Ál-Farabı aýdandyq sotynda Shymkent halyqty jumyspen qamtý jáne áleýmettik baǵdarlamalar bóliminiń burynǵy basshysy Jambyl Baıǵonovqa qatysty úkim shyǵaryldy.
Sheneýnik QR QK 177-baby 3-bólimi («Adamdar tobymen asa iri kólemde jasalǵan alaıaqtyq») boıynsha aıyptaldy.
Sheneýnikke qarsy aıypty aýyldyq ambýlatorlyq aýrýhana qurylysyna tenderdi jeńip alǵan qurylys kompanııalarynyń biri taqty.
Kompanııa málimetinshe, sol ýaqytta OQO ákimi apparatynyń sharýashylyq basqarmasynyń jetekshisi bolǵan (2010) Baıǵonovtyń talabymen merdiger kompanııa qurylys materıaldarynyń 40 paıyzyn joǵary laýazymdy sheneýnikterdiń jeke úıleriniń qurylysyna berýge májbúr bolǵan. Saldarynan fırma 30 mln. teńgege shyǵynǵa ushyrady.
Sot sheneýnikti bes jylǵa bas bostandyǵynan aıyrdy (jalpy rejim) jáne 20 mıllıon teńge aıyppul saldy. Sottalýshy sot zalynda qamaýǵa alyndy.
Derekkóz: Otyrar TV
