Shymkent jáne Pavlodar munaı óńdeý zaýyttaryn qaıta qurý úshin naqty jumystar bastaldy
«Aldyn ala málimetterge qaraǵanda, 2014 jyly munaı men munaı kondensatyn óndirýdiń jınaqtalǵan kólemi QMG kompanııalar toby boıynsha 22 491 tonnany qurady. Tabıǵı gaz óndirý jyl ishindegi 6 paıyzdyq ósimmen 4 736 mln. tekshe metrge jetti, byltyrǵy jyldyń josparyna qosymsha 267 mln. tekshe metr óndirildi»,-delingen kompanııa málimetinde.
Munaı óńdeý kólemine toqtalatyn bolsaq, 2014 jyly jospardaǵy 14 889 myń tonnanyń ornyna 14 911 myń tonna óndirildi. Shymkent jáne Pavlodar munaı óńdeý zaýyttaryn qaıta qurý úshin naqty jumystar bastaldy. Atyraý munaı óńdeý zaýytynda aromatty kómirsýtegi óndirisi boıynsha keshendi qurylys júrgizý jónindegi joba belsendi sheshilý kezeńinde tur. Sonymen qatar Mańǵystaý oblysynda bıtým shyǵaratyn zaýyt jobalyq qýatyna jetti.