Shymkent jáne Aqmola oblysynda jumyrtqa óndirýshiler baǵany 5 paıyzǵa tómendetti

NUR-SULTAN. QazAqparat - 12 kásipker Básekelestikti qorǵaý jáne damytý agenttiginiń tamaq ónimderine baǵalar boıynsha habarlamalaryn merziminen buryn oryndady, dep habarlaıdy QazAqparat vedomstvonyń baspasóz qyzmetine silteme jasap.

Osy aptada áleýmettik mańyzy bar azyq-túlik taýarlarynyń baǵasyna monıtorıng jasaý barysynda Básekelestikti qorǵaý jáne damytý agenttigi naryq sýbektilerine, olardyń is-áreketterinde zańnamany buzý belgileriniń bolýy týraly 14 jańa habarlama jiberdi. Olardyń tórteýi SQO-daǵy taýyq jumyrtqasy boıynsha; tórteýi - Jambyl, BQO oblystary boıynsha qant salasy boıynsha; úsheýi- ShQO, SQO, Atyraý oblystarynda kúnbaǵys maıy; ekeýi sút ónimi boıynsha, bireýi Shymkenttegi qus etine baılanysty.

«Buryn shyǵarylǵan 25 habarlamany eseptegende jalpy sany 39-ǵa jetti. Onyń ishinde 12 habarlama - QR Básekelestikti qorǵaý salasyndaǵy zańnamasyn buzý belgilerin joıý boıynsha sharalar qabyldaý týraly oryndaldy (5 - Shymkent qalasynda, Qostanaı, Atyraý, Jambyl oblystarynda taýyq jumyrtqasy boıynsha, 3 - Jambyl jáne Qaraǵandy oblystarynda qant boıynsha, 2 - Qaraǵandy oblysynda qaraqumyq jarmasy boıynsha, 1 - Shymkent qalasynda kúnbaǵys maıy boıynsha, 2 – Shymkent qalasynda, Qaraǵandy oblysynda kúnbaǵys maıy boıynsha).

Bul rette, 12 naryq sýbektisi habarlamalardy oryndap, baǵany belgilengen 30 kúndik merzimnen buryn tómendetkenni atap ótken jón», delingen habarlamada.

Agenttiktiń málimetinshe, statıstıkalyq derekterge sáıkes, 25 naýryzdaǵy jaǵdaı boıynsha taýyq jumyrtqasynyń baǵasy tómendep keledi. Apta ishinde, 16 - 25 naýryz aralyǵynda jumyrtqa baǵasy 0,2%-ǵa tómendegen.

Vedomstvo básekelestikti qorǵaý salasyndaǵy zańnamanyń buzylýyna qatysty 6 tergep-tekserý júrgizip jatyr (2-ýi nanǵa qatysty, 2-ýi – kúnbaǵys maıy, 2 – saýda jelisine qatysty).