Shymkent zaýytyndaǵy jarylystan zardap shekken jumysshy aýrýhanada kóz jumdy
ASTANA. QazAqparat - Shymkent maı quıý zaýytynda bolǵan jarylystan zardap shekkenderdiń biri aýrýhanada es jımastan kóz jumdy, dep habarlaıdy otyrar.kz.
Zardap shekken ekinshi naýqastyń jaı-kúıin oblystyq gıperbarııalyq oksıgenatsııa ortalyǵynyń kúıik bólimi mamandary turaqty aýyr dep baǵalaýda.
«Jarylys sebebiniń túrli nusqalary tekserilýde, onyń arasynda qysqa tuıyqtalý nemese maı tógilgen jerde jumysshylardyń temeki shegýi de bar. Mamandar oqıǵanyń mán-jaıyn anyqtaýda», - dedi OQO TJD bas mamany Nurdáýlet Moldanııazov.
Zaýyt ókili Ekaterına Taratýevanyń aıtýynsha, óndiristegi komıssııa bul oqıǵany muqııat zertteıtin bolady, qyzmetkerlerge tolyq kólemde kómek kórsetiledi.
«Jumys berýshi qyzmetkerlerge barynsha qarjylaı kómek berip jatyr, barlyǵy zańnamaǵa sáıkes júrgiziletin bolady. Sonymen qatar, jumys berýshi saqtandyrylǵan jáne saqtandyrý aqysy tólenedi», - dep atap ótti Ekaterına Taratýeva.
Eske sala ketsek, 20 jeltoqsan kúni keshke motor maılaryn óndiretin «Hıll korporeıshn» JShS-nyń zaýytynda jarylys boldy. Saldarynan quıý stansasynyń 1991 jyly týǵan operatory oqıǵa ornynda qaza tapty. Taǵy eki adam aýrýhanaǵa jetkizgen edi. Arnaıy kólikter oqıǵa ornyna 20:30-da jetip, jalyndy 10 mınýttyń ishinde aýyzdyqtady.
