Shymkent túrmesinde otyrǵan nıgerııalyqtar óz eline ekstradıtsııalaýdy surady
ShYMKENT. QazAqparat - Shymkenttegi túrmede jazasyn ótep jatqan nıgerııalyq sottalýshylar óz eline ekstradıtsııalaýdy surady. Sheteldikter bul ótinishterin oblys prokýrory Nurǵalym Ábdirovtyń sottalýshylardy qabyldaýy kezinde aıtyp qaldy, dep habarlaıdy QazAqparat tilshisi.
Oblystyq prokýratýranyń baspasóz qyzmeti taratqan málimetke sáıkes, Nurǵalym Ábdirov ICh 167/3 túzeý mekemesinde jazasyn óteýshilerdi jeke máselelerimen qabyldaǵan. Osy qabyldaý kezinde sottalýshy Nvoke Ekenderıchýkvý prokýrorǵa óziniń alaıaqtyq áreketi úshin túrmege jabylǵanyn aıta kele qalǵan óteý merziminiń qalǵan ýaqytyn týǵan jerinde ótkizgisi keletinin jetkizdi. Sheteldik azamat bul másele boıynsha halyqaralyq uıymdarǵa da hatpen shyǵypty. Alaıda jaýap bolmaǵan. Nıgerııalyqtyń ótinishin tyńdaǵan oblys prokýrory oǵan elimizdiń Bas prokýratýrasyna ótinish qaǵaz daıyndaý qajettigin atap ótti.
«Eger eki el arasynda osyndaı máselege oraı kelisim bolǵan jaǵdaıda jáne Nıgerııa eli Qazaqstanǵa sottalǵan azamattyń qalǵan merzimin sondaǵy túrmede óteıtini jóninde kepildik berse, ekstradıtsııalaýǵa ruqsat beriledi. Biz oǵan qarsy bolmaımyz»,-dedi Nurǵalym Ábdirov.
Búginde Nvoke Ekenderıchýkvý men onyń sybaılasy Oba Jozefat túrmede tiginshilikti meńgerip, til úırenip júrgenin aıtady. Ondaǵy jaǵdaıylaryna shaǵymdanbaǵanmen elge qaıtýdy armandap júr eken.
