Shymkent turǵynynan kontrafakt 15 myń qorap temeki tárkilengen

ShYMKENT. QazAqparat – Shymkent turǵynynan kontrafakt 15 myń qorap temeki tárkilengen, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

Vedomsvtonyń málimdeýinshe, temeki ónimderi aktsızdeletin taýarǵa jatady jáne mindetti túrde tańbalanýy tıis. Eger temekiniń tańbasy bolmasa, onda ónim kontrafakti bolyp sanalady.

Aagenttiktiń Shymkent qalasy boıynsha aýmaqtyq departamenti qala aýmaǵynda temeki ónimderin satý boıynsha zańsyz kásipkerlik qyzmet dereginiń jolyn kesti.

«Jedel-izdestirý sharalarynyń nátıjesinde tıisti aktsızdik markasy joq jáne lıtsenzııasyz «Senator», «Malmo» jáne «Korona» markaly temeki satqan Shymkent qalasynyń turǵyny E.Aǵmanov ustaldy. Departament qyzmetkerleri 15 000 qorap temeki ónimderin tárkiledi», delingen habarlamada.

E.Aǵmanov 1 jylǵa bas bostandyǵyn shekteý jazasyna tartyldy.