Shymkent turǵyny zańsyz oıyn bıznesin uıymdastyrǵany úshin sottaldy

NUR-SULTAN. QazAqparat - QR QM Qarjy monıtorıngi komıtetiniń Shymkent qalasy boıynsha Ekonomıkalyq tergeý departamenti zańsyz oıyn bıznesin uıymdastyrǵan turǵynǵa qatysty sotqa deıingi tergeýdi aıaqtady, dep habarlaıdy QazAqparat.

Atap aıtqanda, jalpyrespýblıkalyq «Stop-ıgra» jedel is-sharasy barysynda, «Saıram» turǵyn alaby jáne «Alash» bazary aýmaqtarynda zańsyz oıynhanalardy uıymdastyrǵan azamattyń zańsyz is-áreketi áshkerelendi.

Shymkent qalasy Abaı aýdandyq sotynyń úkimimen, ol Qazaqstan Respýblıkasynyń Qylmystyq kodeksiniń 307-baby 1-bóligimen kináli dep tanylyp, 1000 AEK (2 778 000 teńge) kóleminde aıyppul salyndy.

Tárkilenip alynǵan aıǵaqty zattar (3 televızor, 24 júıeli blok, 24 monıtor jáne basqa da qurylǵylar) memleket menshigine ótti.