Shymkent turǵyny túrli halyqtyń ulttyq kıimin kıgen júzge jýyq qýyrshaq jıǵan (FOTO)
ShYMKENT. QazAqparat - Túrli halyqtyń ulttyq kıimin kıgen qýyrshaqtar Paýlına Mıhaılovna Brenerdiń páterin murajaıǵa aınaldyrdy.
«Táýelsizdigimizdiń 25 jylynda elimiz basty qundylyq - halyqtar dostyǵyn saqtap qaldy. Qazir táýelsizdik mereıtoıy qarsańynda ózge halyqtyń mádenıetin baǵalap qorǵaý mańyzdy ekenin jastarǵa túsindirýimiz qajet», - dedi Paýlına Brener.
Qýyrshaq kollektsııasyn jınaý 12 jyl buryn Arlekınony satyp alýdan bastaldy. Shetelge baryp kelgen soń Paýlına Mıhaılovna qýyrshaqtardy jınaýǵa bekem bel býdy. «Gollandııaǵa ulyma alǵash ret barǵanymda maǵan ulttyq kıim kıgen qýyrshaq syılady. Maǵan olardyń unaǵany sonshalyq, túrli elderdiń qýyrshaǵyn jınaǵym keldi. Olardy aǵam, keıin oqýshylarym ákele bastady», - dedi kollektsııa ıesi.
Paýlına Brener kóp jyldar boıy Shymkent mektebinde orys tili jáne ádebıeti páninen sabaq bergen. Paýlına Mıhaılovna zeınet demalysyna shyqqannan keıin de ózgelerge orys tilin úıretý kásibin toqtatpady. Alǵys retinde oqýshylary álemniń túkpir-túkpirinen qýyrshaqtar ákelgen. Ázirge Úndistannyń qýyrshaǵy ǵana joq, deıdi Paýlına Brener.
Paýlına Brener qýyrshaqtaryn qonaqtaryna kórsetýdi unatady. Alaıda ony syılamaıdy. Tek bir joly ǵana Eýropadaǵy tanystaryna qazaq halqynyń tarıhymen tanystyrý úshin ǵana qazaqtyń ulttyq kıimin kıgen qýyrshaqty syıǵa tartqan. 
