Shymkent turǵyny týǵan inisi men kelinin kóligimen qaǵyp ketti
ShYMKENT. QazAqparat - Shymkentte mas kúıinde kólik júrgizgen turǵyn týǵan inisi men kelinin mert qyldy. Qaıǵyly oqıǵa 26 naýryz kúni Almaty -Tashkent -Termez tasjolynyń Shymkent qalasyna qarasty aýmaǵynda bolǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, mas kúıde kólik basqarǵan 58 jastaǵy júrgizýshi VAZ-21074 avtokóligimen eki birdeı týysyn qaǵyp ketken. Saldarynan óziniń 56 jastaǵy inisi men 55 jastaǵy kelini oqıǵa ornynda qaza tapty. Qazir óńirdiń Іshki ister departamentine qarasty jedel-tergeý toby jol-kólik oqıǵasy boıynsha tergep-tekserý jumystaryn júrgizýde.
Birneshe saraptama taǵaıyndaldy. Kúdikti qamaýǵa alynyp, oǵan qatysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» babymen is qozǵaldy.
