Shymkent turǵyny ózi jumys isteıtin mekemege qaraqshylyq shabýyl uıymdastyrǵan
Eńbekshi aýdany polıtsııa basqarmasynyń kezekshi bólimine shaǵyn nesıe berý uıymyna shabýyl jasalǵany týraly habarlama kelip túsken. Ondaǵy kassırdiń sózinshe, saǵat 18.30 shamasynda mekemege kózildirik jáne medıtsınalyq betperde kıgen 30-35 jastaǵy orta boıly er adam kirip, pyshaqpen qorqytyp, 1 mıllıon teńgege jýyq aqshany alyp ketken.
Sol kúni tergeýshiler QR QK-niń 192-babymen («Qaraqshylyq») sotqa deıingi tergeýdi bastady. Al krımınaldyq polıtsııanyń jedel ýákilderi kúdiktiniń jeke basyn anyqtaý boıynsha barlyq qajetti is-sharany júrgizdi. Syrtqy qyzmetterdiń jeke quramyn baǵdarlap, jaqyn mańdaǵy dúkenderdiń satýshylary men kópqabatty úılerdiń turǵyndarynan surastyryp, sıpattamasy boıynsha fotorobotty qurastyrdy. Kúdiktiniń belgileri bar baǵdarlar kórshi óńirlerge de jiberildi.
Nátıjesinde bir táýlik ishinde polıtseıler kúdiktini úıinen ustap, polıtsııa basqarmasyna jetkizgen.
«Sotqa deıingi tergeý barysynda tergeýshiler urlyqty jasyrý maqsatynda kassırdiń qaraqshylyqty ózi uıymdastyrǵanyn anyqtady. Kómekke ol óz tanysyn tartqan. Qazirgi ýaqytta atalǵan jaıt boıynsha QR QK-niń 419-baby «Kórineý jalǵan sóz jetkizý« boıynsha tergeý júrgizilýde» - delingen Shymkent qalalyq Polıtsııa departamentiniń baspasóz qyzmeti taratqan habaralamady.