Shymkent turǵyny óz kóligin ózi urlap masqara boldy
ShYMKENT. QazAqparat - Shymkentte urlyqty qoldan uıymdastyrǵan kúdiktiniń isi áshkere boldy, - deıdi ishki ister departamentiniń baspasóz qyzmeti.
Ótken jyldyń qazan aıynda Shymkent QІІB Qarataý PB-ne 1988 jyly týylǵan jergilikti turǵyn óziniń avtokóligin belgisiz tulǵanyń urlap ketkeni jóninde aryzdanǵan. Qarataý PB-niń qyzmetkerleri jedel-izdestirý is-sharasyn júrgizý barysynda urlanǵan avtokólikti Shymkent qalasyndaǵy kóshelerdiń birinen tapqan. Alaıda, polıtseılerdiń tergeý kezinde anyqtaǵany, 29 jastaǵy jábirlenýshi qaladaǵy banktiń birinen kólik úshin saqtandyrý qarajatyn alý maqsatynda, ádeıi óziniń avtokóligin urlap, kórineý jalǵan aqparat bergen. Sonymen qatar, azamat 800 myń teńge saqtandyrý qarajatyn alyp, avtokólikti 33 jastaǵy Shymkent turǵynyna satpaq bolǵan, degenmen kelisimdi oryndamaǵan. Osy derek boıynsha, polıtsııaǵa jalǵan aqparat bergen azamat ustaldy. Oǵan qatysty QR QK eki babymen, ıaǵnı 190-baby «Alaıaqtyq» jáne 419-babymen «Kórineý aqparat berý» qylmystyq is qozǵaldy. Aıǵaqty zat tárkilendi. Sotqa deıingi tergeý amaldary júrgizilýde.
Almas Sultan
