Shymkent turǵyny neke túninde áıelin óltirdi degen kúdikke ilindi
Áleýmettik jelide QR Prezıdentinen jáne Bas prokýrordan qyzynyń ólimine qatysy bar kúdiktiniń ustalmaı jatqanyn aıtyp, beıneúndeý jasaǵan ananyń vıdeosy tarady.
Sondaı-aq, oqıǵa týraly quqyq qorǵaýshy, Prezıdent janyndaǵy ulttyq qoǵamdyq senim keńesiniń múshesi Aıgúl Orynbek óz Facebook paraqshasynda jazba qaldyryp, kómek suraǵan ananyń vıdeosyn jarııalady.
Al, búgin Shymkent qalasy polıtsııa departamentiniń baspasóz qyzmeti kisi ólimine kúdikti er adam ustalǵanyn habarlady.
26 maýsymda Shymkent qalasy polıtsııa departamentiniń ál-Farabı aýdandyq jedel járdem brıgadasynan 30 jas shamasyndaǵy áıeldiń máıiti tabylǵany týraly habar túsken.
Oqıǵa ornyna barǵan jedel-tergeý toby máıittiń 32 jastaǵy azamatsha ekenin anyqtaǵan.
Atalǵan jaıt QR QK 106-babynyń 3-bóligimen tirkelip, sotqa deıingi tergep-tekserý amaldary bastaldy.
«Qylmystyq is boıynsha 38 jastaǵy azamat kúdikti retinde tanylyp, izdeý jarııalanǵan bolatyn. 27 tamyzda ol ustalyp, ál-Farabı aýdandyq polıtsııasynyń ýaqytsha ustaý ızolıatoryna qamaldy. Qazirgi tańda tergeý jumystary jalǵasyp jatyr» delingen aqparatta.