Shymkent turǵyny kóligine jedel qyzmetterdiń dabyl sıgnalyn ornatyp alǵan
TÚRKІSTAN. QazAqparat – Shymkent turǵyny óz kóliginiń ústine jedel qyzmetterdiń jaryq sıgnalyn ornatyp, memlekettik tirkeý nómirinsiz kóshede qydyrǵan, dep habarlaıdy QazAqparat tilshisi.
Shymkent qalasynyń turǵyny «Lada» markaly kóliginiń ústine jedel qyzmetterdiń jaryq sıgnalyn ornatyp alyp, memlekettik tirkeý nómirinsiz Túrkistan qalasynyń kóshelerinde júrgen. Vıdeo áleýmettik jelide tarady. Sondaı-aq vıdeodan kóliktiń terezeleri tumshalanǵanyn jáne «ksenon» shamdary ornatylǵanyn baıqaýǵa bolady.
«Jedel izdeý sharalary barysynda Qazyǵurt aýdandyq polıtsııa bólimi Jergilikti polıtsııa qyzmetiniń patrýldik polıtsııa qyzmetkerleri aýdan ortalyǵy kósheleriniń birinen atalǵan kólikti toqtatty. Tekserý barysynda «Lada« kóliginiń aldyńǵy terezesi tumshalanǵany, al aldyńǵy shamdaryna «ksenon« ornatylǵandyǵy anyqtaldy. Oǵan zańmen tyıym salynǵan», - delingen Polisia.kz portaly taratqan aqparatta.
Osydan keıin polıtsııa qyzmetkerleri atalǵan kóliktiń júrgizýshisi Shymkent qalasynyń turǵynyna ákimshilik hattama toltyrdy. Al kólik Qazyǵurt aýdanynyń aıyp turaǵyna qoıyldy. Kólik ıesi óziniń kinásin tolyqtaı moıyndap, áleýmettik jelige taraǵan vıdeony osydan 1 jyl buryn túsirgenin aıtty.
