Shymkent turǵyny tsırkke arystannyń kúshigin syıǵa tartty
ShYMKENT. QazAqparat - Shymkenttiń tsırki taǵy bir jyrtqysh ańmen tolyqty. Qala turǵyny Faat Mansýrov mekeme ujymyna afrıkalyq arystannyń kúshigi - abdandy syıǵa tartty, dep habarlaıdy QazAqparat HAA tilshisi.
On aılyq abdan Sımba qojaıynyna Reseıden jetken. Ákesine ony uly syılapty. Jarty jyl kishkentaı arystandy úıinde asyrap kelgen Faat ıAdıkarovıch jyrtqysh balasyn kúndelikti balǵyn et, sút syndy qajetti azyqpen asyrap kelgen.
Jańadan ákelingen arystannyń kúshigi ujymǵa erekshe qýanysh syılady. Tsırktiń úıretýshileri Sımbany bolashaqta túrli ádis-tásilderge baýlyp, halyqqa óner kórsetetin ańǵa aınaldyrýdy kózdeýde. Búginge deıin olar úsh arystandy baptasa, syılanǵan arystan balasy tórtinshi bolyp qosylyp otyr.
Aıta ketý kerek, 2011 jyldan beri kúngeılik jurtshylyqqa qyzmet etip kele jatqan «Ońtústik Tsırkte» túrli ónerdiń maıtalmandary bas qosqan. Onda búginde mádenıet qyzmetkerlerinen bólek, alty jylqy, úsh ponı, úsh arystan, eki aıý jáne eki kúshik úıretilip, jattyqtyrylýda.
