Shymkent turǵyny baýyryna bir búıregin berdi
Shymkentte týystyq transplantatsııa otasy sátti ótti. Bul joly dárigerler 1986 jylǵy naýqasqa týǵan baýyrynyń búıregin hırýrgııalyq jolmen salyp berdi.
Operatsııadan keıin naýqastyń hal jaǵdaıyn bilý úshin qalanyń bas dárigeri arnaıy aýrýhanaǵa kelip, patsıentpen tildesti.
Baýyryna búıregin bergen naýqastyń jaǵdaıy qazir jaqsy. Dárigerler donordy búgin aýrýhanadan úıine shyǵardy.
Al, aǵzasyn almastyrǵan naýqas alty jyldan beri búırek jetispeýshiligi dıagnozymen esepte turǵan.
Otadan keıin patsıent gemodıalızge táýeldi bolmaı, qalypty ómirge qaıta oralǵan.
«Shymkentte búırekti almastyrýǵa arnalǵan 205-shi ota sátti ótti. Bul óńirde aǵza almastyrý otasy sátti damyp kele jatqanyn kórsetedi. Jaqynda kardıologtar júrek almastyrý otasyn da sátti jasap shyqqan bolatyn. Buǵan deıin mundaı operatsııalar kórshi Orta Azııa elderinde jasalmaǵan. Aǵza almastyrýdy qajet etetin naýqastardyń saýlyǵyn jaqsartý úshin biz endi máıittik transplatatsııany damytýymyz qajet», - deıdi Shymkent qalalyq densaýlyq saqtaý basqarmasynyń basshysy Nurlybek Asylbekov.
