Shymkent turǵyny altyn alamyn dep aqshasynan aıyryldy

ShYMKENT. QazAqparat - Qarataý aýdandyq polıtsııa basqarmasyna 5 sáýirde 43 jastaǵy jergilikti turǵyn aryzdanǵan, dep habarlaıdy QazAqparat Shymkent qalasy Polıtsııa departamentiniń baspasóz qyzmetine silteme jasap.

Ol 2020 jyldyń tamyz aıynda, ózine aty-jóni tolyq belgisiz azamatsha birge altyn satý, satyp alýmen aınalysamyz dep senimine kirip, 5.500.000 teńgesin alǵan. Sodan beri altyn da, aqsha da joq.

Qarataý aýdandyq polıtsııa basqarmasy Krımınaldyq polıtsııa bóliminiń qyzmetkerleriniń jedel-izdestirý is-sharalaryn júrgizý barysynda jergilikti jerdiń 39 jastaǵy turǵyny anyqtalyp, ustaldy. Tekserý jumystary júrgizilýde.