Shymkent turǵyny 42 500 teńge áleýmettik tólemdi qalaı alǵanyn aıtty

ShYMKENT. QazAqparat - Shymkent qalasynyń turǵyny Qanat Shahanov 42 500 teńge mólsherindegi áleýmettik tólemdi qalaı alǵanyn aıtyp berdi, dep habarlaıdy QazAqparat tilshisi.

«Shymkent qalasynda turamyn, atyma jeke kásipkerlik tirkelgen jáne uıaly telefonǵa qajetti kerek-jaraqtardy satýmen aınalysamyn. Karantın jarııalanýyna baılanysty tabysymnan aıyryldym. Sondyqtan áleýmettik tólem beriletindigin estigennen keıin jeke kásipkerligim arqyly egov.kz portalynda ótinim qaldyrdym», - dedi ol.

Qanat Shahanovtyń aıtýynsha, portalda jeke sáıkestendirý nómirin tergen kezde birden áleýmettik tólem ala alatyndyǵy týraly derek shyǵyp turǵan.

«Barlyq qajetti derekterdi óńdep, ótinish bergennen keıin SMS-aqparat keletindigi týraly habarlama tústi. Alaıda, maǵan esh habarlama kelgen joq. Ótinimdi 2 sáýir kúni qaldyrǵan edim. Al búgin esepshotyma 42 500 teńge mólsherinde áleýmettik tólem túsipti. Osyndaı qıyn kezeńde qarapaıym azamattardy aýyr jaǵdaıda qaldyrmaǵan el basshylyǵyna rızashylyq bildiremin», - dedi jeke kásipker.