Shymkent turǵyndaryn tolyqtaı tabıǵı gazben qamtý josparlanyp otyr

ShYMKENT. QazAqparat – Shymkent qalasy turǵyndaryn tolyqtaı tabıǵı gazben qamtý josparlanyp otyr. Bul týraly óńirlik kommýnıkatsııalar qyzmetinde jýrnalıstermen bolǵan baspasóz málıhatynda qala ákiminiń orynbasary Buharbaı Parmanov málimdedi, dep habarlaıdy QazAqparat tilshisi.

Qala ákimi orynbasarynyń sózinshe, bul kórsetkishke 2021 jyly shahardaǵy úshinshi AGRS-ti iske qosýdyń nátıjesinde jetý josparlanǵan. Qazir bul nysannyń qurylysy salynýda. Al, atalmysh nysan iske qosylǵanǵa deıin tabıǵı gazben qamtylmaǵan turǵyndardyń áleýmettik-ekonomıkalyq jaǵdaıyn jaqsartý úshin qala ákimi Erlan Aıtahanovtyń bastamasymen birqatar jumys atqarylýda. Atap aıtqanda, kórshiles Saıram aýdany, Qasymbek Datqa eldi mekeninen 25 myń m3/saǵ gaz alýǵa múmkindik beretin gaz qubyrynyń qurylysy (7,5km) boıynsha JSQ ázirlenip jatyr.

Aıta keteıik, Shymkentte aldaǵy úsh jylda qala turǵyndaryn tabıǵı gazben qamtý deńgeıi 92,1 paıyzdan 96,0 paıyzǵa jetedi dep kútilýde. Sala basshylarynyń aıtýynsha, 2020 jyly qalanyń qoldanystaǵy gaz júıesiniń qysymyn kóterý qarastyrylýda.